20 октября 2020 г.
ЧР Министрсен Кабинечĕн 2017 çулхи февралĕн 22-мĕшĕнчи 71 №-лĕ "О реализации на территории Чувашской Республики проектов развития общественной инфраструктуры, обоснованных на местных инициативах" йышăнăвĕпе килĕшỹллĕн, район администрацийĕ ял тăрăхĕсемпе пĕрле конкурс материалĕсемпе заявкăсем хатĕрлеме пуçланă. Вĕсене ЧР Ял хуçалăх министерствине тăратаççĕ. Çавна май райадминистраци конкурс материалĕсене хатĕрлеме Трак енре пурăнакансене, вăл е ку ялта, урамра татса паман ыйтусене асăрхасан, активлă хутшăнма чĕнсе калать. Асăннă проект урлă ялсем хушшинчи автомобиль çулĕсене, шыв башнисене юсама, çутăпа тивĕçтерме май пур. 2020 çулта асăннă йышăнупа Трак енре 23,5 миллион тенкĕлĕх 33 проекта ĕçе кĕртнĕ. Çак йышăну тăрăх республика бюджетĕнчен 60, вырăнти бюджетран 20 процент укçа уйăраççĕ, ыттине ял халăхĕнчен пухма тивет.