16 октября 2020 г.
Юпа уйăхĕн пуçламăшĕнче Кĕçĕн Шетмĕ ял тăрăхне кĕрекен Ешкилт ялĕнче Тăван çĕршывăн 1941-1945 ç.ç. Аслă вăрçине хутшăннă, фронтра пуçне хунă паттăр салтаксене ĕмĕр-ĕмĕр асăнса пурăнас тĕллевпе стела уçрĕç. Митинга ял çыннисем, вăрçă ветеранĕсен тăванĕсем, тăлăх салтак арăмĕ, нумаях пулмасть 95 çулхи юбилейне паллă тунă Е. Баранова, ял тăрăхĕн пуçлăхĕ Г. Ефимова, ял старости В. Захаров, "Красное Сормово" ООО ертỹçи С. Иванов, "Трак ен" ентешлĕх ертỹçи, район депутачĕсен Пухăвĕн депутачĕ А. Львов, Кĕçĕн Шетмĕ ял тăрăхĕн 4-мĕш созыври Пухăвĕн депутачĕ А. Кузнецов, культура ĕçченĕсем хутшăнчĕç. Стелăна уçнă май çарпа вăрçă юррисем янăрарĕç, ачасем сăвăсем вуларĕç, вĕренекенсем хисеплĕ хурала тăчĕç.