16 октября 2020 г.
Пикшик ял тăрăхĕн депутачĕсен 4-мĕш созыври Пухăвĕн пĕрремĕш ларăвĕ пулса иртрĕ. Депутатсем, уççăн сасăласа, Пуху председателĕ пулма Лев Борисович Соловьева çирĕплетрĕç. В. Фомин, контракт полномочийĕсен срокĕ вĕçленнĕ май, Пикшик ял тăрăхĕн пуçлăхĕн тивĕçĕсене пурнăçлама пăрахасси пирки заявлени çырнă. Депутатсем унăн ыйтăвне тивĕçтерчĕç. Пуçлăх тивĕçĕсене вăхăтлăх пурнăçлама К. Келушева специалиста шанчĕç. Ларура тĕрлĕрен комиссисем йĕркелерĕç. Ларăва район администрацийĕн пуçлăхĕн çумĕ-йĕркелỹпе тĕрĕслев тата кадрсен ĕçĕн пайĕн пуçлăхĕ В. Иванов хутшăнчĕ, сăмах тухса каларĕ.
* * *
Районти ытти ял тăрăхĕсенче те çĕнĕрен суйланнă 4-мĕш созыври депутатсен Пухăвĕн организациллĕ ларăвĕсем пулса иртнĕ. Красноармейски ял тăрăхĕнче депутатсен Пухăвĕн председателĕ пулма Иван Иванович Никитина, Упире — Галина Владимировна Ивановăна, Карайра — Сергей Леонидович Спиридонова, Кĕçĕн Шетмĕре — Алевтина Кирилловна Илларионовăна, Алманчра — Пальмира Михайловна Матвеевăна, Еншик Чуллăра — Игорь Яковлевич Андреева, Мăн Шетмĕре — Галина Ивановна Михайловăна, Чатукассинче Станислав Николаевич Матвеева суйланă.