Публикации » Чăваш Ен Пуçлăхĕ Олег Николаев “Раççей почти” АО Атăл макрорегионĕн директорĕпе Александр Вакуленкопа ĕçлĕ тĕл пулу ирттернĕ

16 октября 2020 г.

 “Раççей почти” Атăл макрорегионĕн директорĕ Александр Вакуленко регион Ертỹçине Чăваш Енри Почта Управленийĕн ертỹçин тивĕçĕсене пурнăçлакан пулма Максим Ладилова шанни пирки пĕлтернĕ. Олег Николаев хăйĕн сăмахĕнче çĕнĕ ертỹçĕ пуласси почта сферинче паха ĕç опытне чылай пухнине, Раççей почтин Чăваш Енри филиалĕнче 2006 çултан пуçласа директор çумĕ пулса вăй хунине палăртнă. Тĕл пулăва паян Чăваш Республикин информаци политикин министрĕ Михаил Анисимов, УФПС экс-директорĕ, Чăваш Республикин Патшалĕх Канашĕн депутачĕ Владимир Тимофеев хутшăннă. Пĕр пухăннă пек чухне ертỹçĕсем палăртнă тĕллевсене сỹтсе явнă, пуласлăхри çĕнĕ технологисем пирки канашланă, республикăри халăха почта пулăшăвĕпе сервисĕн мĕнпур тĕсĕпе туллин тивĕçтермеллине каланă.