13 октября 2020 г.
Чăваш Республикин Пуçлăхĕ çумĕнчи стратеги аталанăвĕ тата проект ĕç-хĕлĕ енĕпе ĕçлекен канаш ларăвĕ иртнĕ Правительство çуртĕнче Чăваш Республикин Пуçлăхĕ çумĕнчи стратеги аталанăвĕ тата проект ĕç-хĕлĕ енĕпе ĕçлекен канаш ларăвĕ иртнĕ. Ку хутĕнче ларăва Раççей Федерацийĕн Патшалăх Думин депутачĕсем хутшăннă. Ĕçе пухăннисем Чăваш Енре наци проекчĕ-пе тỹр килекен регионти программăсем епле пурнăçа кĕрсе пынине тишкернĕ. Кăçалхи тăхăр уйăхри ĕçсен пĕтĕмлетĕвĕсем çине тимлĕх уйăрнă. Федерацин пĕтĕмпе 67 проект, вĕсенчен 51-шĕпе Чăваш Республики хастар ĕçлет. 2020 çулта патшалăх программисемпе ĕçлеме пурĕ 17,6 млрд тенкĕ пăхса хăварнă. Асăннă мероприятисем халăхăн пурнăçне ырă ене улăштарма витĕм кỹресси пĕрре те иккĕлентермест. Чăваш Республикин Министрсен Кабинечĕн Председателĕн çумĕ- экономика министрĕ Дмитрий Краснов хăйĕн докладĕнче наци про- екчĕсене пурнăçлама йышăннă укçа-тенкĕ епле тăкакланса пынипе паллаштарнă. Хăш-пĕр уйрăм сферăсенче укçана çителĕклĕ таран вăхăтра илсе пыманнине пăшăрханса пĕлтернĕ, хăш-пĕр çитменлĕхсем пирки те тĕплĕнрех чарăнса тăнă. Канашлура ĕç тăвакан влаç органĕсенче тăрăшакансен доклачĕсене итленĕ. Регионти проектсене пурнăçа кĕртнĕ тапхăрта тухса тăракан йывăрлăхсем пирки те сỹтсе явнă ертỹçĕсем. Чăваш Республикин Пуçлăхĕ Олег Николаев хăйĕн сăмахĕнче наци проекчĕсем РФ пурăнакан кашни çыннăн пурнăçне лайăхлатма витĕм кỹмеллине тепĕр хут асăрхаттарса каланă. Республика бюджетĕнче çитес çул валли çителĕклĕ укçа-тенкĕ пăхса хăварнă, тенĕ вăл сăмаха малалла тăснă май. Хăш-пĕр çитменлĕхсем сиксе тухнине кура, тен малашне Чăваш Республикин Пуçлăхĕ çумĕнчи стратеги аталанăвĕ тата проект ĕç-хĕлĕ енĕпе ĕçлекен канаш ларăвне кашни уйăхрах ирттерсен те вырăнлă пулнă пулĕччĕ тесе сăмаха çавăрса каланă регион Ертỹçи. Малашне РФ Правительствин хушăнăвĕпе килĕшỹллĕн, канаш çумĕнче ĕç ушкăнне йĕркелеме палăртнă. Штаб членĕсем кулленех строительство, реконструкци, юсав ĕçĕсем епле пурнăçланса пынине те тишкерсех пырĕç. Пĕр сăмахпа каласан, Чăваш Республикинче наци проекчĕсем пурнăçа кĕрсе пынине тишкерĕç.