06 октября 2020 г.
Авăн уйăхĕн 30-мĕшĕнче район администрацийĕн ЗАГС пайĕн йăла-йĕрке залĕнче “Çулталăкри çемье” республикăри конкурсăн суйласа илмелли тупăшăвĕ пулса иртнĕ. Конкурсăн тĕп тĕллевĕ — обществăра çемье авторитетне ỹстересси, унăн пĕлтерĕшне вăйлатасси, çемьен чи ырă та лайăх енĕсене аталантарасси тата сыхласа хăварасси, ачасене çемье воспитанийĕ парасси, сывă пурнăç йĕркине тытса пырасси, активлă çемьесене тупса палăртасси тата хавхалантарасси. Конкурс условийĕсемпе кăçал çемьесен тупăшăва хăйсен портфолионе тăратмалла пулнă. Тăратнă материалсенче вара кашни çемье хăйсен ырă енĕсем пирки каласа кăтартнă. Кăçалхи тупăшăва 6 çемье хутшăннă. Çавăнпа жюрине çĕнтерỹçĕне палăртма çăмăл пулман. Çивĕч тупăшура Кĕçĕн Шетмĕ ял тăрăхне кĕрекен Ешкилтри Харисановсем çĕн-тернĕ. Кил хуçи арçынĕ — Виталий Владиславович райцентрти “Çурçĕр электричество сечĕсем” предприятире электрикра тăрăшать. Мăшăрĕ — Екатерина Леонидовна Пикшикри ветеринари участокĕн заведующийĕнче вăй хурать. Вĕсен район чысне республика шайĕнче хỹтĕлеме тивет. Туслă çемьен девизĕ: “Ни шагу назад, ни шагу на месте, а только вперед, и только все вместе”.