Публикации » Хăйсен вăйĕпе тротуар сарчĕç

02 октября 2020 г.

Трак ен çыннисем маттур та ĕçчен пулни каламасăрах паллă. Нумаях пулмасть Васильев урамĕпе Механизаторсен урамне çыхăнтаракан сукмака кунта пурăнакан халăх хăйсен вăйĕпе тротуар хучĕ. Хăйăрĕпе плитасене администраци тивĕçтернипе палăртнă ĕç хăвăрт вăхăт хушшинчех пурнăçланчĕ. Сергей Николаевич Александрова, асăннă ĕçе пуçаракансене — Алексей Анатольевич тата Марина Владимировна Степановсене, халăха ĕçлеме пуçтарнă Мария Ивановна Кирилловăна, Иван Константинович Степанова, Максим Николаевич Маркова уйрăммăнах палăртмалла. Халĕ шкул ачисене, ĕçе çỹрекенсене тата ыттисене те çак çулпа утма питĕ кăмăллă. “Ĕмĕрĕпех çапла таса та такăр çул пултăр”, — теççĕ пархатарлă ĕçе пурнăçлакансем.

Т. Филиппова.