Публикации » Кĕçĕн Шетмĕ илемленет

11 сентября 2020 г.

 Çултан-çул Кĕçĕн Шетмĕ ялĕ илемленсе, капăрланса пырать. Çакна кунта та капмар çуртсем ỹссе ларни те, таса та якăр çулсемпе тротуарсем хута кайни те аван çирĕплетет. Çавна май сала кашниех хăй патне туртать. Пĕчĕк тăван çĕршыва татах та илемлĕрех тăвасси — кунта пурăнакан кашни çыннăн тĕллевĕ тата тивĕçĕ. Тасалăхшăн, илем-шĕн чунне паракансем вара Кĕçĕн Шетмĕре вуншарăн. Çак йыша Александр Владимирович Петрова, Александр Валентинович Петрова, Сергей Александрова тата Дмитрий Ришкона кĕртмелле. Вĕсем тĕп усадьбăри пĕр территорие плитка сарса илем кĕртрĕç. “Формирование городской среды” приоритетлă наци проекчĕпе килĕшỹллĕн, Е. Анисимова уйрăм предпринимателĕн подрядлă организацийĕ Кĕçĕн Шетмĕре тротуарсем сарас ĕçе вĕçлерĕ.