Публикации » Яманакри шыв арманне çитсе курнă

08 сентября 2020 г.

Трак енре ĕçлĕ çул çỹревпе ЧР Министрсен Кабинечĕн Председателĕн çумĕ-экономика аталанăвĕпе пурлăх хутшăнăвĕсен министрĕ Д. Краснов пулнă. Дмитрий Ивановича район администрацийĕн пуçлăхĕ А. Кузнецов йышăннă. Вĕсем Трак енĕн социаллă пурнăçпа экономика аталанăвĕн çитес тапхăрти ыйтăвĕсене, Чăваш Республикин 2020—2025 çулсем валли палăртнă Комплекслă программăн задачисене, хамăр районăн туризм аталанăвĕн проекчĕсене сỹтсе явнă. Д. Красновпа А. Кузнецов Яманакри Мăн Шетмĕ юхан шывĕ çинчи шыв арманне çитсе курнă. 19-мĕш ĕмĕрте çĕклесе лартнăскер паянхи куна вăл республикăра кăна мар, Раççейре те пĕртен-пĕр арман шутланать. Кĕçĕн Шетмĕ ял тăрăхĕн пуçлăхĕ Г. Ефимова арманăн историйĕпе тата проекчĕпе паллаштарнă. Кунта çут çанталăкпа этнографи паркĕ тума пăхаççĕ. Çавăн пекех Шупашкар хăни “Кушкă кỹлли” регион пĕлтерĕшлĕ çут çанталăк палăкĕпе паллашнă.