Публикации » Райпора вăй хуракансемпе курнăçнă

28 августа 2020 г.

Районти Культура çуртĕнче район администарцийĕн пуçлăхĕ А. Кузнецов тата райпо канашĕн председателĕ Р. Николаева суту-илỹ тытăмĕнче вăй хуракансемпе курнăçнă. Тĕл пулура Александр Николаевич пухăннисене умри тĕллевсем çинчен каласа кăтартнă. Çитес пилĕк çул хушшинче Трак енре инфратытăма çĕнетмелли 42 тата коммерциллĕ 22 проект (1740 млн тенкĕлĕх) ĕçе кĕртме пăхаççĕ. Вăл территорисене тирпей-илем кĕртес, шыв башнисене, автоçулсене, социаллă объектсене юсас, çĕнĕ тротурсене ĕçе кĕртес ĕç-хĕл пирки тĕплĕн каласа кăтартнă. Кăçал Красноармейски ялĕнче кăна 6 км тăршшĕ çĕнĕ тротуар ĕçе яма пăхнă. Кунпа пĕрлех ял тăрăхĕсене ку йышши ĕçсене пурнăçлама 1-ер миллион тенкĕ уйăрса панă. Райцентрти КОС-1400 тасату сооруженине юсаса çĕнетме проектпа смета документацийĕ хатĕрлеççĕ.