Публикации » Тирпей-илем кĕртрĕç, урам хушшине юсарĕç

28 августа 2020 г.

Каши ялта тенĕ пекех халăх хушшинче активистсем пур. Вĕсем тăван ялĕшĕн тĕрлĕ кирлĕ ĕçсем тума тăрăшаççĕ. Тирпей-илемшĕн, халăх хăтлăхĕшĕн мĕн те пулин туса çынсене савăнтарасшăн. Пирĕн ялта, Çырмапуçĕнче, калăпăр, хăш-пĕр урамсенче çынсен вăйĕпе урам хушшисене юсарĕç. Çак ĕçсене Центральная урамра та пурнăçларĕç. Çак кунсенче Крылов урамĕнче хĕрỹ ĕç вĕресе тăчĕ. Алексей Орлов хăйĕн машинипе вак кирпĕч тиесе килсе пачĕ. Гена Иванов, Борис Романов, Вовăпа Галя Шишковсем ялтан уялла каякан ял хушшинчи çула кирпĕч хурса тикĕслерĕç. Унччен малтан çак ĕçсене пурнăçлама Орловсемпе Ивановсем хастар хутшăннă. Тав вĕсене çак ĕçсемшĕн. Йĕпе-сапа чухне кĕрсе тухма питĕ тертлĕччĕ.

М. Романова.