Публикации » Тĕп сыватмăшăн ĕçченĕсемпе тĕл пулнă

28 августа 2020 г.

Район администрацийĕн пуçлăхĕ А. Кузнецов ЧР Сывлăх сыхлавĕн минисерствин “Васкавлă медицина пулăшăвĕ” БУн “Красноармейски районĕн тĕп больници” филиалĕн ĕçченĕсемпе тĕл пулнă. Александр Николаевич шурă халатлă ĕçченсене коронавирус инфекцийĕпе кĕрешнĕ çĕрте тимлĕх, профессионализм кăтартнăшăн, чирлисене вăхăтра пулăшу кỹнĕшĕн ăшшăн тав тунă. Район ертỹçи сиплев учрежденийĕн территорийĕнче тирпей-илем кĕртес енĕпе пысăк ĕç туса ирттересси пирки каланă. Çакна пурнăçлама тĕрлĕ йышши бюджетсенчен 17 млн тенкĕ уйăрнă. Вăл пухăннисене районăн 2025 çулчченхи тапхăрти социаллă пурнăçпа экономика аталанăвĕн программипе паллаштарнă. Халĕ райцентрта çĕнĕ бассейн тата 300 вырăнлă çĕнĕ культура çурчĕн проекчĕсене хатĕрлесе çитерес ĕç пырать. А. Кузнецов тĕл пулăва хутшăннисен ыйтăвĕсем çине хурав панă.