Публикации » Промышленность предприятийĕсен ĕçĕ-хĕлĕпе паллашнă

18 августа 2020 г.

Трак тăрăхне ĕçлĕ çул çỹревпе ЧР промышленность тата энергетика министрĕн тивĕçĕсене пурнăçлакан С.Н. Лекарев çитсе курнă. Сергей Николаевич район администрацийĕн пуçлăхĕпе А. Кузнецовпа тĕл пулнă. Александр Николаевич Шупашкар хăнине Трак тăрăхĕн 2025 çулчченхи социаллă пурнăçпа экономика аталанăвĕн Комплекслă программи çинчен каласа кăтартнă. Çак тапхăрта асăннă программăпа килĕшỹллĕн инфратытăма çĕнетмелли 42, коммерциллĕ 22 проект — 1740 млн тенкĕлĕх — ĕçе кĕртме пăхаççĕ. А. Кузнецовпа С. Лекарев районти хăш-пĕр предприятисене çитсе курнă. “Композит21” ООО директорĕ Г. Афанасьев хăнасене предприятин ĕç-хĕлĕ çинчен каласа кăтартнă. С. Лекарев кунта туса кăларакан тĕрлĕ маркăллă ПВХ (поливинилхлорид) пластикачĕсемпе, ытти продукципе паллашнă. Ун хыççăн вĕсем строительство керамикин “КЕТРА” заводĕнче чарăннă. Хăсене заводăн техника директорĕ И. Воронов цехсем тăрăх илсе çỹренĕ. Предприятине 2013 çулта хута янă. Вăл хăватпа çулталăкра 60 млн кирпĕч туса кăларма пултарать. Производство линийĕ çине Италири “Веdeshi” компанин оборудованине вырнаçтарнă. Вырăнти чĕр таварпа усă кураççĕ: тăмне тата хăйăрне Красноармейскинчи тата Туçи Чуракассинчи карьерсенчен илеççĕ. Хатĕр продукци республикăра çеç мар, Раççейĕн ытти регионĕсене те сутăнать. С. Лекарев район тата предприяти ертỹçисемпе Чăваш Республикин 2020-2025 çулсенчи социаллă пурнăçпа экономика аталанăвĕн Комплекслă программин тĕп енĕсене тишкернĕ май, унта промышленноçа аталантармалли 90 проект ытла кĕни, вĕсене 73 предприятинче ĕçе кĕртме палăртни çинчен каланă.