Публикации » Трак енсен çăкăрĕ - пĕрремĕш

18 августа 2020 г.

Чăвашпотребсоюзăн “Чи лайăх çăкăр-булка изделийĕ” конкурсне пирвайхи хут унта хутшăнакансем валли заочнăй мелпе ирттернĕ. Çăкăр пĕçерекенсем жюри ĕç-хĕлне тата унăн кăтартăвĕсене онлайн трансляципе Чăвашпотребсоюзăн инстаграмĕнче пăхма-пĕлме пултарать. Кăçал Чăвашпотребсоюза йĕркеленĕренпе 100 çул çитет. Юбилейлă çулталăкра професси ăсталăхĕн конкурсне Чăваш Енти потребительсен кооперацийĕн çăкăр-булка пĕçерекен 15 предприятийĕ хăйĕн продукцине тăратнă. Дегустаци комиссийĕ, ăна Чăвашпотребсоюз правленийĕн председателĕн çумĕ Андрей Данилов ертсе пынă, 45 тĕслĕ çăкăра виçĕ номинаципе хак панă: ырашпа тулă çăнăхĕнчен хатĕрленĕ çăкăр, пысăк сортлă тулă çăнăхĕнчен хатĕрленĕ çăкăр тата сывлăхшăн усăллă çăкăр. Пĕрремĕш вырăна Красноармейски райповĕн çăкăр комбиначĕн “Цивильный” çăкăрĕ тивĕçнĕ.