14 августа 2020 г.
Чăваш Ен Пуçлăхĕн тивĕçĕсене вăхăтлăх пурнăçлакан О. Николаев регион Правительствин черетлĕ ларăвне ирттернĕ. Çурла уйăхĕн 12-мĕшĕнче Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев общество шухăшне тĕпчессипе ĕçлекен Пĕтĕм Раççейри центрĕн (ВЦИОМ) генеральнăй директорĕпе Валерий Федоровпа ĕçлĕ тĕлпулу ирттернĕ. ВЦИОМ ертỹçи çамрăксен пуçарăвĕсен центрĕнче республикăри студентсемпе уçă калаçу ирттернĕ. Валерий Федоров çавăн пекех çамрăк лидерсен конкурсĕнче çурма финала тухнисемпе тĕл пулнă. Палăртса хăваратпăр, асăннă конкурса Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев пуçарăвĕпе кăçал йĕркелесе янă. “Федераци шайĕнчи эксперт пирĕн тăрăха килни çав тери паха. Эпир те хамăр енчен çамрăксемпе тăтăшах тĕл пулса калаçма, вĕсен сĕнĕвĕсене тĕпе хурса кирлĕ пек мерăсем йышăнса хăварма тăрăшатпăр. Вĕсемпе пĕрле ĕçлесе усăллă мероприятисем йĕркелессишĕн те кулленех вăй хуратпăр”, — тенĕ Олег Николаев хăйĕн сăмахĕнче. “Пирĕн проект тĕл-левĕ — Раççейри мĕн пур çамрăка пĕр чăмăра пухса кирек хăш регионта та пысăк çитĕнỹсем тума пулăшасси, пуласлăх патне ăнтăлма вĕрентесси”, — тесе каланă Валерий Федоров. “Пурнăç шайне лайăхлатасси — палăртнă тĕллевсенчен чи кирли. Пурнăç лайăх пулсан çамрăксем хăйсемшĕн тăван регионтах тĕпленсе пурăнĕç. Шупашкар питĕ илемлĕ хула, кунта пурăнакансем те лайăх çынсем, вĕсем пысăк тавра курăмлă, ăс-хакăл енчен те пуян. Малашлăх çине те тĕллевлĕн пăхаççĕ”, — тесе пĕлтернĕ хăй шухăшне ВЦИОМ ертỹçи. Паянхи тĕлпулура çамрăксемпе социаллă çыхăнури условисене, социологи тĕлĕшĕнчи тĕпчев ĕçĕсене сỹтсе явма шухăш тытнине хыпарланă вăл сăмаха çавăрнă май.