11 августа 2020 г.
Иртнĕ вырсарникун пирĕн çĕршывра Строитель кунне паллă турĕç. Çак паллă уяв ячĕпе строительство керамикин “КЕТРА” заводĕнче савăнăçлă мероприяти иртнĕ. Ăна “Специализированный застройщик “ТУС” АОн генеральнăй директорĕ Н. Угаслов уçнă, кунти ĕçченсене уяв ячĕпе саламланă, ăнăçусем суннă. Заводра тăрăшакансем умĕнче çавăн пекех район администрацийĕн пуçлăхĕ А. Кузнецов тухса калаçнă. Александр Николаевич “КЕТРА” завод районăн тата Чăваш Енĕн социаллă пурнăçпа экономика аталанăвĕнче пысăк вырăн йышăннине палăртнă. Вăл коллектив ĕçченĕсене çирĕп сывлăх, тулли ăраскал, ăш пиллĕх суннă, Ю. Иванов тĕп механика, юсав тата электрооборудование пăхса тăракан электромеханика А. Алексеева, автотранспорт механикне А. Смирнова район администрацийĕн Тав çырăвне панă.