Публикации » Хĕрỹ ĕç çи вăй илет

11 августа 2020 г.

Район администрацийĕн пуçлăхĕ А. Кузнецов Трак ен тăрăх ĕçлĕ çул çỹревпе çỹренĕ май “Нива” ял хуçалăх предприятийĕнче, “Досаево” ял хуçалăх артелĕнче, “Таябинка” Агрофирма” ОООра пулса курнă, вырма ĕçĕсем епле пынипе паллашнă. Паянхи куна районĕпе 2 пин ытла гектар çинчи тыр-пула пухса кĕртнĕ. Хальлĕхе районĕпе вăтам тухăç 44,7 центнерпа танлашать. “Таябинка” Агрофирмăра” кĕрхи тулă гектартан 50 центнер ытла тухать. Районĕпе уй-хирте 27 комбайн ĕçлет. “Уй-хир карапĕсене” хăйсен ĕçне аван пĕлекен, опытлă механизаторсем тытса пыраççĕ. Ун хыççăн Александр Николаевич райцентр тăрăх çỹренĕ. Вăл Г. Степанов урамĕнче тротуар сарас ĕç епле пынипе паллашнă. Каярах Красноармейскинчи вăтам шкула çитсе курнă, кунта тăрăшакансемпе ĕçлĕ калаçу ирттернĕ.