Публикации » В. Димитриева саламланă

11 августа 2020 г.

Василий Димитриевич Димитриев 1929 çулхи августăн 5-мĕшĕнче хамăр районти Ямайкасси ялĕнче çуралнă. Вырăнти шкулта тивĕçлĕ пĕлỹ илсен В. Димитриев И. Яковлев ячĕллĕ Чăваш патшалăх институтĕнчен (халĕ университет-авт.) вĕренсе тухнă. Тĕрлĕ шкулсенче историпе обществоведени предмечĕсене вĕрентнĕ. Çулсене пăхмасăр В. Димитриев общество ĕçне те активлă хутшăнать. Вăл чылай тапхăр ку тăрăхри ветерансен канашĕн ертỹçин тивĕçĕсене пурнăçласа пычĕ. Иртнĕ кунсенче район администрацийĕн пуçлăхĕ А. Кузнецов, Трак енри ĕçпе вăрçă ветеранĕсен (пенсионерсен) канашĕн председателĕ Г. Ефимов, Пикшик ял тăрăхĕн пуçлăхĕ В. Фомин, "Пчеловодческое" ООО председателĕ А. Скворцов саламланă, çирĕп сывлăх, канлĕ ватлăх суннă, парнесемпе чысланă.