Публикации » Хытă сийлĕ çул пулать

11 августа 2020 г.

Пикшик ялĕнчи Восточная тата Озерная урамсенче хытă сийлĕ çул сарма пуçларĕç. Хăйăрне сарса пĕтернĕ те. Экскаватора И. Никифоров ĕçлеттерчĕ. “Бюджетран 600 пин тенкĕ уйăрса панă. Унсăр пуçне Красноармейски райпо тата ООО “Диана” магазинсен ертỹçисем асфальт ванчăкне килсе пама пулчĕç. Çỹле икĕ магазин патне те çитмелле”, — тет ял тăрăхĕн пуçлăхĕ В. Фомин. “Çитес кунсенче çула хута яратпăр, — тет “Домремстрой” ООО ертỹçи Б. Иванов. “Çула хута ярсассăн техникăпа кирек епле çанталăкра та кĕрсе тухма лайăх пулать”, — тет Озерная урамра пурăнакан В. Сидоров.

Л. Соловьев.