Публикации » ЧР ĕç тата социаллă хỹтлĕх министрĕ А. Елизарова — Трак енре

07 августа 2020 г.

Трак енре ЧР ĕç тата социаллă хỹтлĕх министрĕ А. Елизарова ĕçлĕ çул çỹревпе пулнă. Ведомство министрĕ ватăсене социаллă пулăшу, ĕçпе тивĕçтерекен центрсен, социаллă хỹтлĕх пайĕн ĕçченĕсемпе канашлу ирттернĕ. Малтанах Алена Геннадьевна ведомство çумĕнчи организацисене коронавирус инфекцийĕ сарăлнă условисенче ĕçе тĕрĕс йĕркелесе пынăшăн тав тунă. Вăл ЧР социаллă пурнăçпа экономика аталанăвĕн 2025 çулчченхи Комплекслă программи çинчен каласа кăтартнă. Асăннă программăна ĕçе кĕртни республикăра хушма ĕç вырăнĕсем йĕркелеме май парĕç. Канашлура ведомство учрежденийĕсен çур çулхи ĕç-хĕлне тишкернĕ, çăмăл мар лару-тăрăва лекнĕ граждансемпе социаллă контрактсем тăвас, коронавирус инфекцийĕ анлă сарăлнă тапхăрта ĕçсĕр юлнисене ĕçпе тивĕçтересси еплерех шайра пулнине тишкернĕ. А. Елизарова районти ĕçпе тивĕçтерекен пайĕн ертỹçине И. Козлова чыслă ĕçшĕн, халăха ăс-хакăлпа кăмăл-сипет тата патриотла воспитани панăшăн "Чăваш автономи облаçне йĕркеленĕренпе 100 çул" асăну медальне панă.