Публикации » “Таябинка” Агрофирма” ОООра вырма ĕçĕсем пыраççĕ

31 июля 2020 г.

Иртнĕ юнкун “Таябинка” Агрофирма” ООО районта чи малтан вырма ĕçĕсене пуçларĕ. Кунта “уй-хир карапĕсене” кĕрхи культурăсен уйĕсене илсе тухрĕç. Ĕç çи пуçланнă ятпа общество ĕçченĕсене район администрацийĕн пуçлăхĕ А. Кузнецов саламларĕ, вырма ĕçĕсене пахалăхлă, кĕске срокра вĕçлеме ăнăçусем сунчĕ. Общество ертỹçи А. Попов ĕç çинче чи малта хăрушсăрлăх тĕпре пулмалли пирки каларĕ, ĕç сыхлавĕн правилисене çирĕп пăхăнма ыйтрĕ. Çĕрпỹ районĕнчи Чурачăк чиркĕвĕн настоятелĕ Александр атте ĕç çине ăнăçлă ирттерме кĕлĕ вуласа пил пачĕ. Обществăн мĕн пурĕ 6149 гектар çĕр, вĕсенчен 5216-шне пĕрчĕллĕ культурăсем йышăнаççĕ. Кăçал çуртрисене — 3186, кĕрхисене 2030 гектар çитĕнтернĕ. Вырмана 9 комбайн хутшăнать.