31 июля 2020 г.
Чăваш Республикин Пуçлăхĕн тивĕçĕсене вăхăтлăх пурнăçлакан О. Николаев ĕçлĕ çул çỹревпе Красноармейски районĕнче пулчĕ. Олег Алексеевича район администра- цийĕнче А. Кузнецов кĕтсе илчĕ, умри тĕллевсемпе, халĕ Трак енре пурнăçлакан ĕçсемпе кĕскен паллаштарчĕ. Унтан вĕсем тата Шупашкартан килнĕ хăнасем “Таябинка” Агрофирма” ОООра, “Композит21” предприятире пулса курчĕç. Паян Красноармейски ялĕ пĕр-пĕр пысăк стройкăна аса илтерет. Ăçта пăхнă унта строительство техникине, ятарлă тум тăхăннă строительсене асăрхатăн. Халĕ Ленин урамĕнче икĕ енĕпе тротуар сарас ĕç пырать. Çакна Г. Степанов урамĕ-нче те пурнăçлаççĕ. Район администрацийĕн пуçлăхĕ А. Кузнецов çак ĕç пирки питех те тĕплĕн каласа кăтартрĕ. Унтан вĕсем Ленин урамĕпе çурран анса Çĕнтерỹ паркĕ витĕр тĕп стадиона çул тытрĕç. Кунта халĕ хĕрсех строительсем ĕçлеççĕ, авăн уйăхĕ валли искусственнăй виткĕчлĕ футбол уйне ĕçе яма хатĕр-леççĕ. Çĕнтерỹ паркĕнче О. Николаев райцентрта пурăнакансемпе уççăн калаçрĕ, вĕсен ыйтăвĕсене хуравларĕ. Ĕçлĕ çул çỹрев пирки тĕплĕнрех çитес номерте.