28 июля 2020 г.
Çĕнĕ 2020-2021 вĕренỹ çулĕ пуçланиччен вăхăт нумаях юлмасть. Иртнĕ кунсенче ятарлă комисси (унта райадминистрацин подразделенийĕн тытăмĕн çыннисем, тĕрĕслекен органсен специалисчĕсем кĕреççĕ) Трак енри муниципалитетăн пĕтĕмĕшле пĕлỹ, шкул çулне çитмен тата хушма пĕлỹ паракан учрежденисене 2020-2021 вĕренỹ çулне еплерех хатĕрленине тĕрĕслесе хак пама пуçланă. Комиссин 10 шкулăн, 4 ача сачĕн, хушма пĕлỹ паракан 3 учрежденин ĕçне тĕрĕслемелле. Комисси членĕсем пĕтĕмĕшле пĕлỹ паракан Алманчпа Еншик Чуллă вăтам шкулĕсенче пулнă. Вĕсем пушар хăрушсăрлăхĕн мероприятийĕсене, ĕç сыхлавĕн правилисене еплерех пурнăçласа пынине, вĕренỹ кабинечĕсемпе пỹлĕмсенчи санитари лару-тăрăвне, çутă приборĕсене, территорисене тирпей-илем кĕртнине, апат-çимĕç блокĕсене тĕп тапхăра мĕнле хатĕрленине, автоматла пушар сигнализацийĕ, видеосăнав тытăмĕ епле ĕçленине, эвакуаци алăкĕсене, ыттине тĕрĕсленĕ. Июлĕн 23-24-мĕшĕсенче комисси Красноармейски, Упи, Пикшик, Карай, Мăн Шетмĕ, Кĕçĕн Шетмĕ, Чатукасси шкулĕсенче тĕрĕслев ирттернĕ.С. Самсонов. Лару ĕçне ЧР экономикăн Пысăк канашĕн председателĕ А. Аксаков, федераци эксперчĕсен пысăк ушкăнĕ хутшăннă.