28 июля 2020 г.
Çулленех, вырма ĕçĕсем умĕн, Трак енри ял хуçалăх предприятийĕсемпе хресченпе фермер хуçалăхĕсенче тĕш тырă пухса кĕртме хутшăнакан комбайнсене техника тĕрĕслевĕ витĕр кăларас ырă йăла пур. Унăн тĕп тĕллевĕ _ "уй-хир карапĕсен" регистраци докуменчĕсене, огнетушительсене, руль управленине, тормоз тытăмне, сасă сигналне, çутă приборĕсене, ытти хатĕр-хĕтĕре тĕрĕслеççĕ. Графикпа килĕшỹллĕн, техника тĕрĕслевĕ "Таябинка" Агрофирма" ОООра иртнĕ. Унта районти Гостехнадзор инспекцийĕн пуçлăхĕ-патшалăхăн аслă инспекторĕ Ю. Иванов, райадминистрацин АПК организацийĕсемпе çыхăну тытас тата экологи секторĕн заведующийĕ Н. Арсентьева, районти пушар хурал тытăмĕн ертỹçи М. Кожаков хутшăннă. Кăçал обществăра хĕрỹ ĕç çине 9 комбайн хутшăнать, вĕсенчен пĕрне кунта нумаях пулмасть туяннă. Çĕнĕ AGROS 585 комбайна опытлă механизатора Э. Федорова шанса панă. Обществăн вырмара 5216 гектар çинчен пĕрчĕллĕ культурăсене пухса кĕртмелле. Лару ĕçне ЧР экономикăн Пысăк канашĕн председателĕ А. Аксаков, федераци эксперчĕсен пысăк ушкăнĕ хутшăннă.