Публикации » Вĕренỹ ĕçченĕсем — Хĕрлĕ Чутайра

21 июля 2020 г.

Трак енри вĕрентỹ тытăмĕн организацийĕсен ертỹçисем Хĕрлĕ Чутай тăрăхĕнче пулса курнă. Çул çỹревĕн тĕп тĕллевĕ — ĕçтешсен ырă опычĕпе, паха енĕсемпе тĕплĕнрех паллашасси, кулленхи ĕçре усă курасси. Пирĕн делегаци йышĕнче район администрацийĕн пуçлăхĕ А. Кузнецов, унăн çумĕ-вĕрентỹ пайĕн ертỹçи С. Григорьева пулнă. Чи малтанах пирĕн делегаци Атнар ял тăрăхĕнчи Шорово ялĕнчи часовньăра пулса курнă. Унтан вĕрентекенсем Хĕрлĕ Чутай ялĕнчи "Солнышко" ача сачĕн ĕçĕ-хĕлĕпе интересленнĕ. Ăшă тĕлпулăва кунти вĕрентỹ пайĕн пуçлăхĕ И. Живоев тата ача сачĕн заведующийĕ А. Васильева хутшăннă. Унтан вĕсем Хĕрлĕ Чутайри чиркĕве кĕрсе курнă. Максим протоиерей вĕсене ăшшăн кĕтсе илнĕ, ĕç-хĕлпе паллаштарнă. Кăçал Хĕрлĕ Чутай çĕрĕ çинче Республика кунне, Чăваш автономийĕ 100 çул тултарнине халалланă чылай мероприяти иртнĕ. Пирĕн вĕрентекенсем çĕнелнĕ район центрĕнчи объектсене çитсе курнă. Юлашкинчен делегаци Атнар тăрăхĕнче пулнă. Кунта А. Кузнецов 14 çул хушши ял тăрăхĕн пуçлăхĕнче тăрăшнă. Малашне ку евĕр çул çỹревсене малалла тăсма йышăннă.