Публикации » Республикăн спорт министрĕ — Трак енре

17 июля 2020 г.

 Трак енре ĕçлĕ çул çỹревпе ЧР физкультурăпа спорт министрĕ В. Петров пулнă. Шупашкар хăнине райадминистраци пуçлăхĕ А. Кузнецов йышăннă, пирĕн тăрăхра физкультурăпа спорт ĕçне еплерех йĕркелени çинчен пĕлтернĕ. Василий Владимирович район ертỹлĕхĕпе пĕрле РФ Президенчĕн В. Путинăн пуçарăвĕпе, федерацин тата регионăн "Спорт — пурнăç йĕрки" проекчĕсемпе, "Демографи" наци проекчĕпе çĕклесе лартнă ГТО лапамĕнче пулса курнă. Унтан вăл халĕ çĕнелекен тĕп стадионти (унта искусственнăй виткĕчлĕ футбол уйĕ пулать), кĕçех яш-кĕрĕме йышăнма палăртакан районти ачасемпе çамрăксен спорт шкулĕнчи ĕç-хĕлпе паллашнă. В. Петров Трак ен, уйрăмах Красноармейски ялĕ хăвăрт тата пур енлĕн аталанса пынине палăртнă: кунти вун-вун объектра юсав ĕçĕсем пыраççĕ, çаксем вĕсем кунта пурăнакансен пурнăçпа йăла ыйтăвĕсене тỹрреммĕн лайăхлатнипе çыхăннă.