Публикации » Чăваш Ен Пуçлăхне суйланма тăратакан кандидатсен йышĕ ỹсет

30 июня 2020 г.

 Чăваш Республикин тĕп суйлав комиссийĕ Чăваш Ен Пуçлăхĕн суйлавне хутшăнма хатĕрленекен пĕрремĕш кандидатăн О. Николаевăн докуменчĕсене йышăннă, регистрацилеме панă. Вĕсене ĕç ушкăнĕ тĕплĕн пăхса йышăннă. Кирлĕ документсем пурте пур. “Справедливая Россия” тата “Родина” партисен регионти уйрăмĕсем хăйсен конференцийĕсенче çитес суйлавра О. Николаев кандидатури майлă пуласси пирки пĕлтернĕ. Республикăри тĕп суйлав комиссине Чăваш Ен Пуçлăхне суйланма тата тепĕр кандидат документсем тăратнă. Вăл — Юрий Алексеевич Шакеев, хăйне хăй кандидата тăратнă. Ăна чылайăшĕ юрист, общество деятелĕ тата блогер пулнипе пĕлеççĕ. Чăваш Енри “Патриоты России” партин регионти уйрăмĕ Чăваш Ен Пуçлăхне суйлама Шупашкар районĕн депутачĕсен Пухăвĕн депутатне, “Аргус” обществăн финанс директорне Сергей Петрович Матвеева тăратнă. КПРФăн Чăваш Енри уйрăмĕ хăйĕн конференцийĕнче республика Пуçлăхне суйланма Александр Андреева кандидата тăратнă. “Российская партия пенсионеров за социальную справедливость” партин регионти уйрăмĕ Чăваш Ен Пуçлăхне суйлама Николай Алексеевич Степанова кандидата тăратнă. Вăл паянхи кун “Чистый город” ОООн финанс директорĕ пулса ĕçлет. Раççейри либерал демократсен партийĕн (ЛДПР) регионти уйрăмĕ хăйĕн конференцийĕнче Чăваш Ен Пуçлăхне суйлама ЧР Патшалăх Канашĕн депутатне Константин Олегович Степанова кандидата тăратнă. Вăл республикăн Патшалăх Канашĕнче ЛДПР фракцийĕн ертỹçинче тăрăшать.