26 июня 2020 г.
Коронавирус инфекцийĕ анлăн сарăлса пынă май кăçал Тăван çĕршывăн Аслă вăрçинче Çĕнтерỹ тунăранпа 75 çул çитнĕ ятпа ирттерекен çар парадне çу уйăхĕн 9-мĕшĕнчен çĕртме уйăхĕн 24-мĕшне куçарчĕç. Шăпах 1945 çулхи июнĕн 24-мĕшĕнче историе кĕрсе юлнă пĕрремĕш Çĕнтерỹ парачĕ пулнă вăл. Ун чухне Хĕрлĕ лапампа Мускава, Ленинграда, Сталинграда хỹтĕленĕ, Европăна ирĕке кăларнă, Берлина илнĕ салтаксем утса иртнĕ. Кăçалхи парада 14 пин çар çынни (СССР пулнă союзлă республикăсен, Китай, Монголи, Серби çĕршывĕсен çар çыннисем) хутшăннă, 220 техника единици, вăл шутран 75 çар самолечĕпе вертолечĕ, паллах, "Стрижи" тата "Русские витязи”, пулнă.