Публикации » Кандидатсене пĕрешкел услови туса парĕç

23 июня 2020 г.

 Чăваш Республикинче суйлав кампанийĕ пуçланчĕ. Муниципалитет йĕркеленĕвĕсен канашĕ ЧР Пуçлăхĕн кандидачĕсене суйлавçăсемпе тĕл пулса калаçмалли лапамсем йĕркелет. Хальхи вăхăтра республика ертỹçин тивĕçĕсене вăхăтлăх пурнăçлакан О. Николаев кандидатсем валли пĕрешкел услови туса пама хушнă. “Суйлав кампанийĕ уçă та ирĕклĕ иртмелле”, — палăртнă вăл ЧР Патшалăх Канашĕн сессийĕнче. Эрнесерен иртекен канашлура муниципалитет йĕркеленĕвĕсен канашĕн ĕç тăвакан директорĕ С. Николаев кандидатсене халăхпа тĕл пулма сĕннĕ. “Кунашкал лапамсене райадминистрацисенче йĕркелемелле. Унта тĕлпулусем ирттермелли майсем çителĕклех. Çак тĕллевпе эпир ятарлă йĕрке хатĕрлĕпĕр”, — тенĕ вăл. Унăн шухăшĕпе, кунашкал лапам кандидатсене муниципалитет фильтрĕ витĕр тухма, район пуçлăхĕсемпе депутатсене çынсенчен алă пустарса çỹрессине çăмăллатма май парать. Регион ертỹçи ун сĕнĕвĕпе килĕшнĕ. О. Николаев ку ĕçе муниципалитет йĕркеленĕвĕсен канашне ку енĕпе модератор пулма, ĕçе йĕркелесе пыма хушнă.