Публикации » 100 çулхи юбилей тĕлне —100-шер пин тенкĕ

23 июня 2020 г.

 “Ку укçана Чăваш автономийĕ 100 çул тултарнине ĕмĕрлĕхе асра хăварас тесе уйăратпăр. Унпа мĕнле усă курассине муниципалитетсем хăйсем татса парĕç”, — тенĕ О. Николаев. Чи пахи — çак укçана пĕтĕм ял, сала, поселок, хула тивĕçĕ. Хуласемпе район центрĕсене асăннă нухрата унта миçе çын пурăннине шута илсе парĕç. Укçапа мĕнле усă курассине ял-поселоксем хăйсем татса парĕç: ача-пăча вăйă лапамĕ тумалла-и, палăк е стела вырнаçтармалла-и е территорие хăтлăх кĕртмелле-и — çакна вырăнта пурăнакан çынсем суйлĕç. Ку проектсене пурнăçа кĕртнĕ чухне халăхран укçа пухмĕç. Вырăнти влаçăн та хушма укçа хывмалла мар. Çак тĕллевпе республика бюджетĕнчен 300 миллион тенкĕ уйăрма палăртнă. Асăннă укçа муниципалитет йĕркеленĕвĕсене утă уйăхĕн пĕрремĕш çурринче çитмелле.