Публикации » “Единая Россия” ЧР Пуçлăхĕн суйлавĕнче О. Николаев кандидатури майлă пулать

19 июня 2020 г.

 “Единая Россия” Генсовечĕн Президиумĕн ларăвĕнче çитес суйлавра “хăйне хăй кандидата тăратнисемпе” пĕр майлă пуласси пирки пĕлтернĕ. Çак йышра О. Николаев (Чăваш Республики) та пур. “Единая Россия” Генсовечĕн секретарĕ А. Турчак çакна палăртнă: парти асăннă регионсен ертỹçисемпе территорисене аталантарас ыйтусемпе пĕрле, активлă ĕçлессе шанать. Асăннă партин регионти уйрăмĕн секретарĕн тивĕçĕсене пурнăçлакан, РФ Патшалăх Думин депутачĕ А. Аршинова О. Николаевпа пĕрле РФ Патшалăх Думин лапамĕнче вĕренỹ тытăмĕнчи ыйтусемпе чылай ĕç пурнăçланине палăртнă. Çакна палăртмалла, çывăх вăхăтра “Единая Россия” партин регионти уйрăмĕн конференцийĕ пулать, унта О. Николаева Чăваш Ен Пуçлăхĕ пулма тăратса ун кандидатури майлă пулас ыйтăва тишкереççĕ.