Публикации » Ĕне усракансене патшалăх пулăшăвĕ парасшăн

16 июня 2020 г.

Чăваш Енре ĕне усракансене ку чухне пулакан тăкаксене саплаштарма субсиди парса пулăшу кỹме пăхаççĕ. Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертỹçисемпе тунтикунсерен ирттерекен канашлура картишсене хăтлăх кĕртмешкĕн уйăрнă ук-çапа усă курас тĕллевпе халĕ те контракт туман муниципалитетсем пирки ỹпкелешсе калаçнă. Çак укçан пĕр пайне килти хушма хуçалăх тытса тăракансене сăвакан ĕнесене усранипе пулакан тăкаксене субсиди парса саплаштарма ярĕç. Вице-премьер — ял хуçалăх министрĕ Сергей Артамонов пулăшун çак мерине памалли йĕрке пирки ăнлантарнă. Выльăх усракансене пĕр ĕне пуçне — 2300, икĕ ĕнешĕн — кашнин пуçне 3300 тенкĕ, виçĕ тата ытларах пулсан — кашни пуçне 4300 тенкĕ парасшăн. С. Артамонов асăннă пулăшăва килти хушма хуçалăх тытса тăракан 22 пин çемье тивĕçме пултарать тенĕ, вĕсем 56 пин ытла ĕне усраççĕ. Республика бюджетĕнчен çак тĕллевпе пĕтĕмпе 185 миллион тенкĕ уйăрĕç.