Публикации » Строительство ĕçĕсем епле пынипе малалла паллашнă

22 мая 2020 г.

 Район администрацийĕн пуçлăхĕ А. Кузнецов тата унăн çумĕ-вĕрентỹ пайĕн ертỹçи С. Григорьева вĕрентỹпе культура учрежденийĕсенче юсав ĕçĕсем епле пынипе малалла паллашнă. Чатукассинчи пĕтĕмĕшле пĕлỹ паракан тĕп шкулта спортзалпа хывăнса тăхăнмалли пỹлĕмсене юсас ĕçсем пыраççĕ. Вăл "Кашни ачан ăнăçлăхĕ" ("Яллă вырăнсенчи вĕрентỹ организацийĕсенче физкультурăпа спорта аталантарма условисем туса парас") регион проекчĕпе пурнăçланать. Юсав ĕçĕсене "Аликовская" МСО общество строителĕсем пурнăçлаççĕ. Çак ĕçе çĕртме уйăхĕн 20-мĕшĕ тĕлне вĕçлеме палăртаççĕ. Район ертỹлĕхĕпе пĕрле кунта Чатукасси ял тăрăхĕн пуçлăхĕ Г. Михайлов та пулса курнă. Кун хыççăн пуçлăхсем Мăн Шетмĕ ял тăрăхне кĕрекен Анаткасри кану çуртĕнче юсав ĕçĕсем епле пынипе интересленнĕ. Паянхи кун кунта стенасене тикĕслессине вĕçленĕ, маччана "армстронг" йышши хатĕрпе çирĕплетнĕ, халĕ урайсене çирĕплетес ĕçсем пыраççĕ. Ĕç-хĕл мĕнле пынипе Мăн Шетмĕ ял тăрăхĕн пуçлăхĕн тивĕçĕсене пурнăçлакан Г. Иванова та паллашнă.