Публикации » Республикăри смотр-конкурсра — иккĕмĕш

19 мая 2020 г.

 ЧР Физкультурăпа спорт министерстви 2019 çулта вырăнсенче Сывлăхпа спорт кунĕсене еплерех йĕркеленин республикăри смотр-конкурс кăтартăвĕсене пĕтĕмлетнĕ. Аса илтеретпĕр: Чăваш Енре Сывлăхпа спорт кунĕсене уйăхра пĕр хутчен ирттереççĕ. Вĕсене йĕркелемелли кунсене Чăваш Ен Министрсен Кабинечĕн йышăнăвĕпе çирĕплетеççĕ. Çав кун муниципаллă тата республикăри мĕн пур спорт учрежденийĕсем халăха тỹлевсĕр йышăнаççĕ. Сывлăхпа спорт кунĕсен республикăри смотр-конкурсне Чăваш Енре физкультурăпа сиплев тата спортпа массăллă ĕçсене тата та активлăрах туса пырас тĕллевпе йĕркелеççĕ. 2019 çулхи кăтартусемпе республикăри хуласемпе районсенчен 50-а яхăн конкурс материалĕ килнĕ. Ĕçсене пилĕк номинаципе хакланă: "Чи лайăх муниципаллă пĕрлешỹ", "Чи лайăх вĕренỹ организацийĕ", "Чи лайăх ял тăрăхĕ (микрорайонĕ)", "Чи лайăх спорт сооруженийĕ", "Чи аван мероприяти". “Чи лайăх ял тăрăхĕ (микрорайонĕ)” номинацинче Красноармейски ял тăрăхĕ иккĕмĕш вырăн йышăннă.