Публикации » Çĕнĕ микрорайона — çут çанталăк газĕ

19 мая 2020 г.

Красноармейски ялĕн кăнтăр хĕвел тухăç микрорайонĕнче нумай ачаллă çемьесене тỹлевсĕр мелпе çĕр уйăрса панă май 2018-2020 çулсенче кунти Слукин, Прокопьев, Восточная, Соборная, Ольховая, Кедровая, Садовая тата Юбилейная урамсенче çĕклекен çуртсене çут çанталăк газĕпе тивĕçтерес тĕлĕшпе проект докуменчĕсем хатĕрлес тата вĕсене патшалăх экспертизи витĕр кăларас тĕлĕшпе уйрăм ĕç туса ирттернĕ. Экспертиза кăтартăвĕсемпе субсиди илме васкавлăн ЧР Строительство министерствине заявка тăратма май килнĕ. Çавна май Чăваш Ен Правительстви Тракенсене республика бюджетĕнчен 3454600 тенкĕ уйăрса панă. Район администрацийĕ электронлă торгсем йĕркеленĕ. Çапла май кунта подрядлă организаци тупма май килнĕ. Вăл кĕçех муниципаллă контракт çырса микрорайона газ кĕртес ĕçе тытăнĕ. Кунпа пĕрлех микрорайонта таса шывпа тивĕçтерессипе проект тăвас ĕçсем малалла пыраççĕ.