Публикации » Вĕренỹ тытăмĕнчи улшăнусем

19 мая 2020 г.

 Коронавирус эпидемийĕ вĕренỹ тытăмне те пысăк улшăнусем кĕртрĕ. ЧР вĕрентỹ тата çамрăксен политикин министрĕ С. Яковлев çакна палăртнă: "РФ Вĕрентỹ министерствин йышăнăвĕпе кăçал тăххăрмĕш классем валли вырăс чĕлхипе тата математикăпа обязательнăй экзаменсем (ОГЭ) пулмаççĕ, аттестатра каччăсемпе хĕрсен çулталăкри вĕренỹ кăтартăвĕсем тăрăх итоглă паллăсем вырăн тупĕç. Çакна коронавирус инфекцийĕ анлăн сарăлнă май яш-кĕрĕмĕн сывлăхне туллин сыхласа хăварас тĕлĕшпе тунă. Пĕрлехи патшалăх экзаменне (ЕГЭ) ирттерессине июнĕн 8-мĕшĕнчен каярахри вăхăта куçарнă. Кăçал аслă шкулсенче вĕренме кĕме палăртакансем валли экзаменсем пулаççĕ. Ыттисем валли вара математикăпа тата вырăс чĕлхипе патшалăх экзаменĕсем пулмĕç. Майăн 18-мĕшĕнчен 1-8-мĕш классенче вĕренекенсем валли çуллахи каникул кунĕсем пуçланнă. 9 _ 11-мĕш классенче пĕлỹ илекенсемшĕн вара, шкулсен графикĕпе килĕшỹллĕн, майăн 25-30-мĕшĕсенче вĕренỹ çулĕ вĕçленмелле".