Публикации » “Çĕнтерỹ кунĕ — тĕрлĕ чĕлхепе” акци

08 мая 2020 г.

 Хаклă туссем! Ыран çу уйăхĕн 9-мĕшĕ — Аслă Çĕнтерĕвĕн 75 çулхи юбилейĕ. Питех те шел, паллă сăлтава пула сирĕнпе кăçал çак пысăк праçнике урамсемпе лапамсенче, тăвансемпе тата пĕлĕшсемпе пĕрле ирттерейместпĕр. Çапах та килте ларса та эпир паянхи çутă та савăк тỹпешĕн кун-çулне шеллемен вăрçă паттăрĕсене аса илетпĕр. Эпир сире майăн 9-мĕшĕнче Раççей Федерацийĕн кашни регионĕнче тата унăн тулашĕнче иртекен Пĕтĕм тĕнчери культурăпа патриотла "День Победы на разных языках" акцие хутшăнма, тĕнчери интернационаллă чи пысăк хорăн йышне кĕрсе пĕрле "День Победы" юрра шăрантарма йыхравлатпăр. Çак кун pobeda-2020.ru е диктантпобеды.рф сайта кĕрĕр. Плеера ĕçе ярăр, тăван чĕлхепе тăванăрсемпе, тус-тантăшăрсемпе пĕрле “День Победы” юрра (ăна 100 ытла чĕлхене куçарнă) шăрантарăр. Кунсăр пуçне эсир видеоролик хатĕрлесе ăна соцсете лартма пултаратăр. Акци пĕтĕмлетĕвĕпе конкурс йĕркелеççĕ — чи лайăх видеороликсене центрти телеканалпа тата соцмедиапа кăтартаççĕ.