Публикации » Хамăра уйрăм тытмалли йĕркене çу уйăхĕн 11-мĕшĕччен тăснă

30 апреля 2020 г.

 Ака уйăхĕн 28-мĕшĕнче Раççей Президенчĕ В. Путин вырăнсенче коронавирус инфекцийĕпе кĕрешесси епле пынипе регионсен ертỹçисемпе пысăк канашлу ирттернĕ. В. Путин хамăра уйрăм тытмалли йĕркене (самоизоляци) çу уйăхĕн 11-мĕшĕччен тăсасси çинчен пĕлтернĕ. Çапла май майăн 6, 7 тата 8-мĕшĕсене çĕршывра ĕç кунĕ мар тесе пĕлтернĕ. Çак кунсенче сотрудниксен ĕç укçи сыхланса юлать. Унсăр пуçне çĕршыв ертỹçи регионсен пуçлăхĕсене çу уйăхĕн 12-мĕшĕччен хамăра уйрăм тытмалли йĕркене çирĕп пăхăнма хушнă. Вĕсем çак тапхăрта ĕçлеме май пур организацисен йышне пăхса тухса анлăлатма пултараççĕ. В. Путин канашлура Раççейре коронавируспа чирлесси чи çỹллĕ пусăма çитменнинне палăртнă, çапах тивĕçлĕ мерăсем йышăннăран тата çынсем яваплăха туйнăран çак амак анлă сарăлассине чарма май килнĕ.