21 апреля 2020 г.
Самоизоляци режимне Красноармейскисем мĕнлерех пăхăннине районти мобильлĕ ушкăн рейдсем малалла ирттерет. 2020 çулхи апрелĕн 3-мĕшĕнчи 92_мĕш №-лĕ Чăваш Республикин Пуçлăхĕн Указĕ тăрăх, çынсен хăйсем пурăнмалли вырăна пăрахса кайма юрамасть. Çавăн пекех 2020 çулхи апрелĕн 7-мĕшĕнчи 98-мĕш №-лĕ Чăваш Ен Пуçлăхĕн Указĕ тăрăх, Раççей Федерацийĕн регионĕсенчен Чăваш Республикине килнисен 14 кун хушши самоизоляци режимне пăхăнмаллах. Рейдсенче вак суту-илỹ объекчĕсене кĕрсе çỹренĕ, унта çынсем валли ятарлă паллă, антисептик, хỹтĕлев маскисемпе усă курмалли информаци пуррипе çуккине, граждансем дистанцие епле тытса пынине тĕрĕсленĕ. Çавăн пекех Трак енсемпе коронавирус инфекцине сарăлма парас мар тесе калаçусем ирттернĕ, самоизоляци режимне пăхăнмалли памятка-сĕнỹсем панă.