17 апреля 2020 г.
Коронавирус чирĕ çав-çавах парăнасшăн мар-ха. Ĕнерхи кун тĕлне тĕнчере çак амак 2083326 çынна ерни паллă, 510350 сывалнă, 134616 пурнăçран уйрăлнă. АПШра ку кăтарту çакăн пек: 644 089, 48708 тата 28529. Испанире коронавирус инфекцийĕпе 180659 çын чирлĕ, 70853 сывалнă, 18812 вилнĕ. Италире те лару-тăру çăмăл мар: тĕрĕсленĕ хыççăн 165155 çыннăн вирус пуррине тупса палăртнă, 38092 сиплев учрежденинчен сывалса тухнă, 21645 вилнĕ. Раççейре 24490 çыннăн вирус пуррине пĕлтернĕ, 1986 çын сывалса тухнă, 198 вилнĕ. Чăваш Енре 126 çын çак амакпа чирлине тупса палăртнă, 2-ĕн сывалнă. Коронавируспа чирлĕ 79 çулхи кинеми пурнăçран уйрăлнă. Кỹршĕ облаçпа республикăсенче пурăнакансене те коронавирус инфекцийĕ шар кăтартать. Чулхула облаçĕнче çак амакпа 339 çын чирлине тупса палăртнă, 21 сывалнă, 4 çын вилнĕ. Мари Эл Республикинче кăтартусем çакăн пек: 118-8-1. Тутарстанра 107 çын чирлĕ, çак чиртен 14-ăн сывалнă.