03 апреля 2020 г.
“Пысăк тăхтав” (“Большая перемена”) конкурс вĕренекенсене хăйсене кăтартма, юратнă шкулĕн тата çĕршывăн чысне туллин хỹтĕлеме май парать, — тенĕ РФ вĕрентỹ министрĕ С. Кравцов. Асăннă конкурсăн çĕнтерỹçисем, вăл пуш уйăхĕн 28-мĕшĕнче старт илнĕ, тивĕçлĕ призсем илеççĕ: вуннăмĕш классенче пĕлỹ илекен 300 ача пĕрер миллион тенкĕ. Вĕсем çак укçана çĕршыври ертсе пыракан аслă шкулта вĕреннĕ çĕре, бюджетлă мелпе вĕренме кĕрсен ипотека е бизнес-стартап çине яма пултараççĕ. Саккăрмĕшĕнчи тата тăххăрмĕш классенчи 300-шер каччăпа хĕр 200-шер пин тенкĕ илĕç, вĕсене хушма вĕренỹ çине яма пăхаççĕ. Финала тухнă ытти 1200 вĕренекен “Артекра” канĕ. Конкурс 5 уйăха тăсăлать. Финал октябрь уйăхĕнче пулать. Пĕрлехи тупăшăва хутшăнма вĕренекен математика е вырăс чĕлхи учительне, шкул психологне е спорт секцийĕн тренерне суйласа илме пултарать. Çапла май ачасем хăйсен учительне, шкулне хỹтĕлеме пултараççĕ. 20 чи лайăх шкул 2 млн тенкĕ таран финанс пулăшăвĕ илме пултарать. Асăннă конкурсăн уйрăм программи тупăшăва хатĕрлекен чи лайăх вĕренекенсене пырса тивет.