Публикации » Красноармейскинчи ача-пăча спорт шкулĕнче юсав ĕçĕсем пыраççĕ

03 апреля 2020 г.

Ачасемпе çамрăксен спорт шкулĕнче шалти пỹлĕмсене тĕпрен юсас ĕç иртет. Строительство ĕçĕсем 2020 çулхи пуш уйăхĕн 10-мĕшĕнче пуçланнă. Тĕп юсав вăхăтĕнче спорт залне, тренерсен, хывăнса тăхăнмалли тата душ кĕмелли пỹлĕмсене çĕнетме палăртнă. Çак кунсенче район администрацийĕн пуçлăхĕ А.Н. Кузнецов “ДЮСШ” муниципаллă бюджет вĕренỹ учрежденин директорне В. Моисеева çĕнĕ “Ford” микроавтобус уççине панă. Транспорт спортсменсене тата ачасене тĕрлĕ спорт мероприятийĕсене, çавăн пекех культура ĕçченĕсене пултарулăх мероприятийĕсене каймалли хатĕр пулĕ. Çакă — Красноармейски районĕнчи вырăнти бюджет укçи-тенкипе туяннă иккĕмĕш транспорт хатĕрĕ. Аса илтеретпĕр, 2019 çулхи раштав уйăхĕнче те Александр Николаевич район администрацийĕн вĕрентỹ пайне вырăнти бюджет укçипе туяннă “Mercedes” транспорт хатĕрĕн уççине парнеленĕччĕ.