Публикации » Николай Мудров — литература конкурсĕн финалисчĕ

27 марта 2020 г.

Магистраллĕ газ пăрăхĕсен Заволжски линипе производство управленийĕн ĕçченĕ, Чăваш Енти наукăпа искусствăн наци академийĕн член-корреспонденчĕ Николай Мудров Пĕтĕм тĕнчери “Вчера закончилась война” литература конкурсĕн “Я ничего не знаю о войне” номинацийĕнче çĕнтернĕ. Тупăшăва Аслă Çĕнтерỹ 75 çул тултарнине халалланă. Ентеш Диплома тивĕçнĕ. Аслă Çĕнтерỹ 75 çул тултарас умĕн йĕркеленĕ тупăшăва материалсене пĕлтĕрхи чỹк уйăхĕнчен йышăнма тытăннă. Ăна йĕркелесе ирттерме вырăс чĕлхипе çыракан Пĕтĕм тĕнчери писательсен Союзĕ хăй çине илнĕ. Унта вăрçă ветеранĕсем, “хĕрỹ” точкăсенче пулнисем пирки каласа паракан хайлавсем вырăн тупнă. Конкурс кăтартăвĕсемпе “Вчера закончилась война” сборник кăларнă. Унта 38 финалистăн, “Вам, ваши защитники” блиц-конкурса хутшăннисен чи лайăх ĕçĕсем кĕнĕ.