24 марта 2020 г.
Ĕнер район администрацийĕн пуçлăхĕ А. Кузнецов тата АПК организацийĕсемпе çыхăну тытакан, экологи секторĕн заведующийĕ Н. Арсентьева “Агрофирма Таябинка” ОООра пулса курнă, нумай çул ỹсекен курăксемпе кĕрхи культурăсене апатлантарас ĕç епле пынипе интересленнĕ. Кунта кĕрхи культурăсем 2030 гектар лаптăк йышăнаççĕ. Ĕнерхи кун тĕлне 1600 гектар кĕрхи тулла апатлантарма ĕлкĕрнĕ. И. Петров, И. Яковлев тата С. Семенов механизаторсем “Туман-1” тата “Амазония” агрегатсемпе удобрени сапаççĕ. С. Филиппов, Э. Федоров, В. Владимиров трактористсем удобрение турттараççĕ тата агрегатсем çине тултараççĕ. Е. Николаева тĕп агроном каланă тăрăх, кĕрхи культурăсем аван хĕл каçнă. Паянхи кун тĕлне районĕпе 380 гектар нумай çул ỹсекен курăксене, 2545 гектар кĕрхи культурăсене апатлантарнă.