06 марта 2020 г.
Алманч шкулĕнче аслă классем хушшинче шашкăпа выляса мала тухас енĕпе турнир иртнĕ. Ăна Красноармейски районĕ 85 çул тултарнине, Чăваш автономийĕ йĕркеленнĕренпе 100 çул тата Çĕнтерỹ тунăранпа 75 çул çитнине халалланă. Хĕрỹ тупăшура призерсемпе çĕнтерỹçĕсен ятне çаксем тивĕçнĕ: 1 вырăн — С. Егоров, А. Порфирьев, С. Степанова (9 кл.); 2 вырăн — А. Егоров, В. Мефодьев, Е. Никонорова (6 кл.); 3 вырăн — А. Петров, Ю. Егорова, Э. Григорьева (8 кл.). Вĕсене пурне те Дипломсемпе тата асăну паллисемпе чысланă.
П. Яковлев.