Публикации » Ачасем уявра савăнчĕç

28 февраля 2020 г.

Нарăс уйăхĕн 23-мĕшĕ — Тăван çĕршыв хỹтĕлевçин кунĕ. Çавна шута илсе "Звездочка" ача-пăча садĕнче шкула хатĕрленекен ушкăнри воспитатель Э.Г. Зайцева тата ашшĕ-амăшĕсен комитечĕ ачасемпе "Атте, анне тата эпĕ" спорт уявĕ ирттерчĕç. Уяв тĕллевĕ: ачасене патриотла воспитани парас тата ашшĕ-амăшĕсемпе тачă çыхăну тытса ĕçлесси. Çак ушкăнри ачасемпе ашшĕ-амăшĕсем "Эпир — çĕршывăн пулас хуралçисем" ятлă ỹкерчĕксен куравне хатĕрлерĕç. Унта пур çемье те хаваспах хутшăнчĕ, илемлĕ ỹкерчĕксемпе тĕлĕнтерчĕ. Пĕрремĕш тапхăрта пепкесем ашшĕсемпе аслашшĕсене илемлĕ юрă-сăвăсемпе саламларĕç. Иккĕмĕш тапхăрта ашшĕ-амăшĕсем спорт мероприятийĕнче воспитатель хатĕрленĕ тĕрлĕ конкурссенче ăмăртрĕç. Унта Васильевсен, Степановсен тата Платоновсен çемйисем хастар хутшăнчĕç. Çак уявра туслăх çĕнтерчĕ.