Публикации » Интереслĕ фильм

21 февраля 2020 г.

 Кăçал пирĕн çĕршывăмăр Тăван çĕршывăн Аслă вăрçинче çĕнтернĕренпе 75 çул тултарнине паллă тăвать. Çавна май Чатукасси шкулĕнче 1-4-мĕш классенче черетлĕ класс сехечĕ иртрĕ. Хальхинче ачасем пысăк кăмăлпах "Мама, я жив!” ятлă фильм курчĕç. Вăл вăрçă çинчен. 1943 çул. 12 çулхи тăлăх Петька Дым партизансен отрядне лекет. Пĕчĕк разведчик пурнăçĕшĕн сыхланса отряд командирĕ Иван Драгун ăна шкула вĕренме ярать. Шкулĕ вăрманта пулнă... Вăрçă вăхăтĕнче нумай ача пирĕн салтаксене пысăк пулăшу панă. Нумайăшĕ паттăррăн пуçне хунă. Ахальтен мар пирĕн Тăван çĕршыв вăрçăра çĕнтернĕ. Пирĕн халăх паттăррăн çапăçса фашистсене тĕп тунă. Тайма пуç вăрçăра вилнисене! Эпир вĕсене нихăçан та манмастпăр. Вĕсем — пирĕн асăмра. Пире вăрçă кирлĕ мар! Яланах çĕр çинче пултăр мир! Н. Лукина, Н. Филиппова.