Публикации » “Шкул волейбол лигин” çĕнтерỹçисем палăрнă

14 февраля 2020 г.

Нарăс уйăхĕн 11-мĕшĕнче “Чулхула трансгаз Газпром” ООО филиалĕн — Заволжски ЛПУМГ-ăн спорткомплексĕнче районти шкулсенчи хĕрсемпе каччăсен командисем хушшинче “Чăваш Республикинчи Шкул волейбол лигин” X чемпионачĕн муниципаллă тапхăрĕ иртрĕ. Çивĕч тупăшура 2019—2020 вĕренỹ çулĕнчи çĕнтерỹçĕсемпе призерсене палăртрĕç. Хĕрсем хушшинче Красноармейски шкулĕн команди çĕн-терỹçĕ пулса тăчĕ. Трак шкулĕн пĕрремĕш команди тата Алманч шкулĕн волейболисткисем иккĕмĕшпе виççĕмĕш вырăнта. Каччăсем хушшинче малти вырăна Трак шкулĕн команди тухрĕ. Иккĕмĕш вырăнта — Красноармейски шкулĕ. Мăн Шетмĕ шкулĕн спортсменĕсем — виççĕмĕш. Призлă вырăнсене йышăннă командăсем “ТУС” ХАО генеральнăй директорĕн, Чăваш Республикин Патшалăх Канашĕн депутачĕн Н. Угаслов ятĕнчен волейбол мечĕкĕсене тивĕçрĕç. Тупăшăвăн 3-мĕш тапхăрĕ нарăс уйăхĕн 16-мĕшĕнчен тытăнса пуш уйăхĕн 31-мĕшĕччен пырĕ. Унта район чысне Красноармейски шкулĕн хĕрсен тата Трак шкулĕн каччăсен командисем хỹтĕлĕç.