Публикации » Редакторсем — вĕренỹре

07 февраля 2020 г.

 ЧР Цифра аталанăвĕпе информаци политикин тата массăллă коммуникацисен министерстви районсемпе хуласенче тухса тăракан хаçатсен редакторĕсем валли вĕренỹ семинарĕ йĕркелерĕ. Семинара цифра аталанăвĕпе информаци политикин тата массăллă коммуникацисен министрĕн тивĕçĕсене пурнăçлакан М. Анисимов йĕркелесе ертсе пычĕ. Унта тупăшсемпе тăкаксем çинчен тата пурлăх пирки кăтартусене пĕлтерес, ĕç кĕнекисене электронлă мелпе хатĕрлес, награда материалĕсене хатĕрлес ыйтусене тишкернĕ. Вĕсемпе асăннă министерствăн йĕркелỹпе право пайĕн ертỹçи С. Портнова тухса калаçнă. Семинарта хаçат-журнала кăçалхи пĕрремĕш çур çул валли çырăнтарăвăн кăтартăвĕсене тишкернĕ. Унта ку ыйтупа "Раççей почти" акционер обществин федерацин почта çыхăнăвĕн Чăваш Енри управленийĕн ĕçченĕсем П. Никифоров, Г. Ермолаева, О. Иванова сăмах илнĕ, районсенчи хаçатсен чылай редакторĕ хăйсен шухăшĕсене пĕлтернĕ. Юлашкинчен М. Анисимов пĕтĕмлетсе сăмах каланă.