Публикации » Раççейĕн чи лайăх спорт судйисене палăртнă

07 февраля 2020 г.

Çĕнĕ Шупашкарта 18 çула çитмен каччăсемпе хĕрсем хушшинче Раççей шайĕнчи çăмăл атлетика енĕпе мала тухассипе ăмăрту вĕçленнĕ. Чăваш енри 3 №-лĕ Олимп резервĕн спорт шкулне 66 регионтан 600-е яхăн спортсмен килсе çитнĕ. Виçĕ кун хушшинче спортсменсем чăрмавсем урлă чупассипе, вăрăмăшĕпе çỹллĕшне, шăчă урлă сикессипе, 4х400 метр чупассипе тата ытти енсемпе тупăшнă. Хĕрỹ тупăшура Чăваш енĕн пĕрлештернĕ команди улттăмĕш вырăн йышăннă. Çавăн пекех ăмăртăвăн виççĕмĕш кунĕнче Раççейĕн чи лайăх судйисене палăртнă, вĕсене савăнăçлă лару-тăрура дипломсем панă. Вĕсен шутĕнче — Пĕтĕм Раççейри категориллĕ спорт судйи В. Моисеев (районти ДЮСШ директорĕ), А. Лебедев (Красноармейски).